Privatlívspolitikkur

Innleiðsla

Í hesum privatlívspolitikkinum fært tú svar uppá, hvørji vit eru, hvussu vit savna, goyma og nýta tínar upplýsingar, og hvørji rættindi tú hevur hesum viðvíkjandi.

Dátuábyrgdari

Ánari og rakstur:
Ívf. Uppskrift.fo
Dýrindalsgøta 20
FO-188 Tórshavn
Føroyar
uppskrift@uppskrift.fo

Endamál og heimild fyri viðgerð av persónupplýsingum

Tá ið tú sendir okkum eina fráboðan umvegis frymilin á heimasíðuni, innsavna vit upplýsingar um teg. Endamálið við viðgerðini av tínum upplýsingum er at svara fráboðanunum, sum tú sendir okkum umvegis heimasíðuna.

Tá ið tú keypir eina vøru á heimasíðuni, innsavna vit upplýsingar um teg. Endamálið við viðgerðini av tínum upplýsingum er at avgreiða keypið, sum tú hevur umbiðið.

Viðgerðin av tínum upplýsingum verður gjørd við heimild í §8, stk. 1, nr. 1 og 6 í dátuverndarlógini.

Sløg av persónupplýsingum

Vit viðgera hesi sløg av persónupplýsingum um teg:

Í sambandi við keyp

• Fornavn
• Eftirnavn
• Bústaður
• Postnummar
• Bygd/býur
• Telefon
• Teldupostur
• Land

Í sambandi við fráboðan umvegis sambandsfrymilin

• Navn
• Telefon
• Teldupostur

Í sambandi við fráboðan umvegis tíðindabrævsfrymilin

• Teldupostur

Víðarigeving av upplýsingum

Vit víðarigeva tínar upplýsingar til okkara dátuviðgerar, sum hjálpa okkum við at viðgera tínar upplýsingar á ein góðan og tryggan hátt. Øll viðgerðin sum okkara dátuviðgerðar gera av tínum upplýsingum, verður gjørd eftir einari dátuviðgerðaravtalu, sum vit hava gjørt við dátuviðgerarnar.

Verða upplýsingarnar fluttar til útlond ella triðjalond?

Vit deila tínar persónligu upplýsingar við triðjapartar, sum hjálpa okkum at nýta tínar persónligu upplýsingar sum nevnt omanfyri. Til dømis nýta vit Shopify til at reka okkara nethandil. Tú kanst lesa um hvussu Shopify nýtir tínar persónligu upplýsingar á https://www.shopify.com/legal/privacy. Shopify heldur til í Kanada.

Afturat hesum, verða títt navn og kortupplýsingar fluttar til Quickpay, ið heldur til í Danmark. Quickpay goymir tó ikki tínar persónupplýsingar.

Vit kunnu eisini deila tínar persónligu upplýsingar við myndugleikar fyri at yvirhalda galdandi lóggávu og reglugerð, um vit verða vitnisstevnd, ella fáa aðrar umbønir frá myndugleikum eftir upplýsingum.

Hvussu leingi goyma vit tínar upplýsingar?

Upplýsingarnar, sum vit innsavna um teg í sambandi við keyp, verða goymdar í 5 ár.

Tíni rættindi

Sambært dátuverndarlógini, hevur tú rætt til nøkur ting í samband við viðgerðina av tínum persónupplýsingum. Tú kanst m.a. fáa upplýst, hvørjar persónupplýsingar vit hava um teg og fáa upplýsingarnar strikaðar, undir ávísum treytum.

Ynskir tú at gera eitt av tínum rættindum galdandi, kanst tú skriva til okkum á uppskrift@uppskrift.fo, ella útfylla sambandsfrymilin inni á heimasíðuni. Vit seta okkum tá í samband við teg, um hvørji rættindi tú ynskir at gera galdandi umframt at staðfesta tín samleika.

Rætturin til innlit

Tú hevur rætt til at biðja um innlit í teimum persónupplýsingum, sum vit viðgera um teg. Tað merkir, at tú kanst spyrja okkum um, hvørjar persónupplýsingar vit viðgera, til hvat endamál o.s.fr.

Rætturin til mótmæli

Tú hevur rætt til at mótmæla, um tú ert ósamdur í, at ein ítøkilig viðgerð fer fram. Tað merkir, at upplýsingarnar framhaldandi kunnu nýtast til onnur møgulig lóglig endamál.

Rætturin til rætting

Tú kanst biðja um at fáa persónupplýsingar rættaðar, sum tú ikki metir vera rættar.

Rætturin til striking

Tú kanst biðja um at fáa persónupplýsingar strikaðar, sum tú heldur, at vit ikki skulu ella kunnu hava skrásettar. Hesin rætturin er ikki endaligur. Upplýsingarnar verða ikki strikaðar, um tær eru fevndar av aðrari lóggávu, ella um avtala og endamál geva rætt til at goyma persónupplýsingarnar.

Rætturin til viðgerðaravmarking

Tú kanst biðja um, at viðgerðin av persónupplýsingunum verður avmarkað. Tað merkir, at persónupplýsingarnar ikki vera strikaðar, men at tær vera nágreinaðar, at tær ikki kunnu viðgerast og at atgongdin til at lesa tær verður skerdur.

Rætturin til dátuflutning

Tú hevur í summum førum rætt til at fáa tínar persónupplýsingar, sum tú sjálvur hevur givið okkum, fluttar til tín í einum skipaðum, vanliga nýttum og teldutøkum sniði.

Rætturin til ikki at verða profileraður

Tú hevur rætt til ikki at verða profileraður, uttan so at hetta er avgerandi fyri, um ein avtala kann gerast.

Rætturin til at taka samtykkið aftur

Um viðgerðin av tínum persónupplýsingum er grundað á títt samtykki, hevur tú til eina og hvørja tíð rætt til at taka títt samtykki aftur.

Um tú velur at taka títt samtykki aftur, ávirkar tað ikki løggildið av okkara viðgerð av tínum persónupplýsingum fram til afturtøkuna. Um tú tekur títt samtykki aftur, hevur tað bert virknað fyri framtíðina.

Rætturin at klaga

Hevur tú spurningar viðvíkjandi viðgerð av tínum persónupplýsingum, ert tú vælkomin at seta teg í samband við okkum á uppskrift@uppskrift.fo, ella við at útfylla sambandsfrymilin inni á heimasíðuni.

Um tú ert ónøgdur við okkara viðgerð av tínum persónupplýsingum, kanst tú bera eina klagu til ella seta teg í samband við Dátueftirlitið. Upplýsingarnar hjá Dátueftirlitinum finnir tú her: www.dat.fo.